«Aıboz» ádebı syılyǵyna shyǵarmalardy qabyldaý bastaldy, júlde qory – 35 mln teńge

ASTANA. QazAqparat – «Aıboz» ulttyq ádebı syılyǵyna shyǵarmalardy qabyldaý bastaldy. Ádebı syılyqtyń jalpy júlde qory – 35 mln teńge. Ár nomınatsııaǵa 5 mln teńgeden qarastyrylǵan, dep habarlaıdy QazAqparat Mádenıet jáne sport mınıstrligine silteme jasap.

Ulttyq syılyqqa «Úzdik proza», «Úzdik poezııa», «Úzdik drama», «Úzdik ádebı aýdarma», «Úzdik balalar ádebıeti», «Úzdik ádebı syn», «Úzdik komıks» nomınatsııalary boıynsha shyǵarmalar qabyldanady. Baıqaýǵa otandyq qalamgerler qatysa alady jáne úmitkerlerdiń jas ereksheligine baılanysty shekteý joq.

Úmitkerler ótinimderin 1 mamyr – 1 qyrkúıek aralyǵynda www.aiboz.kz saıty arqyly jiberý qajet. Ádebı syılyq jyl sońynda tabystalady.

«Aıboz» – otandyq qalamgerlerge memleket tarapynan qoldaý kórsetý jáne yntalandyrý maqsatynda Mádenıet jáne sport mınıstrligi uıymdastyratyn ulttyq ádebı syılyq. Baıqaýǵa buryn-sońdy esh jerde jarııalanbaǵan shyǵarmalar ǵana qabyldanady. Bul qazaq ádebıetiniń qory 7 nomınatsııa boıynsha júzdegen jańa týyndylarmen tolyǵady degen sóz. Sondaı-aq, qalamgerler arasynda báseke paıda bolyp, sonyń nátıjesinde oqyrmanǵa ózekti, qyzyqty ári zamanaýı shyǵarmalar jol tartady», - deıdi Mádenıet jáne sport mınıstrligi Arhıv, qujattama jáne kitap isi komıteti Kitap isi basqarmasynyń basshysy Almaz Myrzahmet.