ASTANA. KAZINFORM — Frantsııanyń Te qalasynda kórkem gımnastıkadan Gran-prı kezeńi aıaqtaldy.
Qazaqstan gımnastıka federatsııasynan málim etkenindeı, qazaqstandyq Aıbota Ertaıqyzy atalǵan jarysta eki kúmis, bir qola júldege ıe boldy.
Qazaqstandyq gımnast shyǵyrshyqpen jattyǵýdan 32.7 upaı jınap, kúmis medalǵa qol jetkizdi. Sondaı-aq doppen jattyǵýdan (32.4 ball) úzdik úshtikti túıindedi. Aıbota sonymen qatar taspamen jattyǵý fınalynda ekinshi orynnan kórindi.
Eske sala keteıik, budan buryn batýttyq gımnastıkadan Danıl Musabaevtyń olımpıada joldamasyna ıe bolǵanyn jazǵan edik.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).