ASTANA. KAZINFORM - Sıngapýrde ótip jatqan kórkem gımnastıkadan Azııa chempıonatynda qazaqstandyq Aıbota Ertaıqyzy lentamen óner kórsetý saıysynda chempıon atandy.
Qurlyqtyq dodada ol 28.150 upaı jınap, jeńis tuǵyryna kóterildi.
Atalǵan saıysta ózbekstandyq Natalıa Ýsova (27,55 upaı) ekinshi, japonııalyq Reına Matsýsakı (27,2 upaı) úshinshi oryn aldy.
Bul saıysta taǵy bir qazaqstandyq Aıym Meıirjanova 27.000 upaımen tórtinshi orynǵa turaqtady.
Aıbota budan jekeleı syndaǵy kópsaıys qorytyndysynda tórt jattyǵý boıynsha 82.200 upaı jınap, qola medal alǵan edi.
Aıbota Ertaıqyzy 2004 jyly dúnıege kelgen. Qazirge deıin ol 2024 jyly Ózbekstan astanasy Tashkent qalasynda ótken qurlyqtyq dodada chempıony atanǵan edi. Sondaı-aq birneshe márte kúmis jáne qola júldege qol sozdy.
Sondaı-aq kórkem gımnastıkadan Qazaqstan quramasy kópsaıystan tuńǵysh ret altyn medal aldy.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.