Aıbek Smadııarov byltyrdan beri Ýkraınanyń jańa Elshisiniń bekitilmeýine qatysty pikir bildirdi

ASTANA. QazAqparat – QR Syrtqy ister mınıstrliginiń resmı ókili Aıbek Smadııarov elimizde birazdan beri Ýkraınanyń jańa Elshisiniń bekitilmeýine qatysty pikir bildirdi, dep habarlaıdy QazAqparat tilshisi.

«Dıplomatııalyq tájirıbede bul qalypty jaǵdaı. Elshini jiberetin Ýkraına jaǵy bul laýazymǵa laıyq adamdy qashan bekitetinin ózideri sheshedi», - dedi Aıbek Smadııarov vedomstvoda ótken aptalyq brıfıngide.

Osy oraıda ol Ýkraınanyń jańa Elshisi Qazaqstanǵa qashan keletini týraly naqty aqparat joq ekenin aıtty.

Aıta keteıik, Ýkraınanyń Qazaqstandaǵy burynǵy elshisi Petr Vrýblevskıı 21 tamyzda qazaqstandyq bloger Dıas Quzaıyrǵa suhbat berip, tıisti málimdeme jasaǵan edi. Keıin ol QR Syrtqy ister mınıstrligine shaqyryldy.

Byltyr jeltoqsan aıynda Ýkraına jaǵy ózderiniń jańa elshisiniń kandıdatýrasyn usynǵany habarlandy.