Aıbek Smadııarov buryn Qytaı azamaty bolǵan qazaqstandyqtarǵa keńes berdi

<p>ASTANA. KAZINFORM - Syrtqy ister mınıstrliginiń resmı ókili Aıbek Smadııarov buryn Qytaı azamaty bolǵan qazaqstandyqtardyń kórshi elge vızasyz rejımmen barardyń aldynda qandaı máselelerdi eskerý kerektigin aıtty.</p>

«Eger Qytaı azamaty bolǵan kezde quqyq buzý áreketi tirkelgen bolsa, sony sheshýge tyrysyńyzdar. Basqa aıtar eshqandaı keńes joq», - dedi SІM resmı ókili.

Aıbek Smadııarov ondaı málimetterdi Qytaı Elshiliginen bilýge bolatynyn jetkizdi.

«Ol málimetterdi sol jaqtaǵy týysqandary arqyly da bilýge bolady. Al biz arqyly bile almaısyzdar. Nemese Qytaı elshiligine habarlasý qajet. «Meniń Qazaqstan azamaty retinde Qytaı aýmaǵyna kirýge ruqsatym bar ma? Kedergi kezikpeı me?» dep anyqtap bilse, bolady. Áıtpese, kóbisi barǵannan keıin ǵana biledi», - dedi ol.