Aıbek Salyqbaev Aqtóbe oblystyq Kásipkerlik basqarmasynyń basshysy boldy

<p>Aqtóbe oblystyq Kásipkerlik basqarmasynyń basshysy qyzmetine Aıbek Salyqbaev taǵaıyndaldy, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

Aqtóbe oblysy ákiminiń baspasóz qyzmetinen málim etkendeı, óńir basshysynyń ókimimen Almas Salyqbaev Kásipkerlik basqarmasynyń basshysy laýazymyna taǵaıyndaldy.

Ol 1986 jyly týǵan. 2007 jyly Turar Rysqulov atyndaǵy qazaq ekonomıka ýnıversıtetin, 2011 jyly Qazaq-orys halyqaralyq ýnıversıtetin bitirgen.

Eńbek jolyn 2007 jyly «BankTsentrKredıt» AQ Almaty qalasyndaǵy fılıalynda bastap, «Qazaqstannyń Halyq Banki» AQ Muǵaljar aýdandyq fılıalynyń menedjeri bolyp jumys istegen.

2009 – 2016 jyldary Muǵaljar aýdanynyń ekonomıka jáne bıýdjettik josparlaý bóliminiń jetekshi mamany, bas mamany jáne sektor meńgerýshisi, Muǵaljar aýdanynyń statıstıka basqarmasynyń jetekshi mamany, Muǵaljar aýdanynyń ekonomıka, bıýdjettik josparlaý jáne kásipkerlik bólimi basshysynyń orynbasary, Muǵaljar aýdanynyń kásipkerlik bóliminiń basshysy bolyp qyzmet etken.

2016 – 2021 jyldary Aqtóbe oblysy ákimi apparatynyń uıymdastyrý-ınspektorlyq bóliminiń bas ınspektory, Aqtóbe oblysynyń syrtqy baılanystar jáne týrızm basqarmasy basshysynyń orynbasary, Mártók aýdany ákiminiń orynbasary qyzmetterin atqardy.

2021 jyldyń naýryz aıynan osy taǵaıyndaýǵa deıin Mártók aýdanynyń ákimi boldy.