Aıbek Oralbaı shırek fınalda jeńilip qaldy

<p>PARIJ. KAZINFORM &mdash; Frantsııa astanasy Parıj qalasynda ótip jatqan Olımpıada oıyndarynda bokstan erler arasynda Aıbek Oralbaı shırek fınaldaǵy aıqasynda jeńilip, jartylaı fınalǵa shyǵa almady.</p>

92 kelige deıingi salmaqta otandasymyz Ázerbaıjan boksshysy Loren Berto Alfonso Domıngesten aılasyn asyra almady. Osylaısha Aıbek Oralbaı Olımpıada oıyndaryn aıaqtady.

Aıbek Oralbaı birinshi jekpe-jegin birden 1/8 fınaldan bastap, nıgerııalyq boksshy Adam Olaoreni jarys jolynan shyǵaryp, shırek fınalǵa ótken bolatyn. 

Osydan bir saǵat buryn áıelder arasynda Nazym Qyzaıbaı ekinshi jekpe-jeginde jeńiske jetip, shırek fınalǵa shyqqanyn jazǵan edik.

Búgin sondaı-aq, erler arasynda taǵy bir boksshymyz synǵa túsedi. 63,5 keli salmaqta Muhammedsabyr Bazarbaıuly grýzııalyq Lasha Gýrýlımen qolǵap túıistiredi.