ASTANA. KAZINFORM — Taılandtyń Chıangmaı qalasynda bokstan Azııa chempıonatynda Qazaqstan ulttyq quramasynyń kapıtany Aıbek Oralbaı sońǵy bolyp rıngke kóterildi.
Jartylaı fınalda ózbekstandyq Jahongır Zokırovti jeńip, fınalǵa shyqqan A.Oralbaı 92 keliden joǵary salmaqta qytaılyq Abýdýreshıtı Remýlamen qolǵap túıistirdi.
Birinshi raýndta Aıbektiń aýyr soqqylary qarsylasyna dál daryp jatty — 5:0.
Qazaqstandyq boksshy ekinshi kezeńde qarqynyn tómendetpedi — 5:0. Ol úshinshi raýndta da sheberliginiń joǵary ekendigin kórsete bildi. Qorytyndy esep — 5:0, Aıbek Oralbaıdyń paıdasynda.
Osylaısha, búgin sońǵy básekege shyqqan qazaqstandyq 9 boksshynyń tórteýi altyn, beseýi kúmis aldy.
Eske sala keteıik, budan buryn Mahmud Sabyrhannyń alǵash ret bokstan Azııa chempıonatynda top jarǵanyn jazǵan bolatynbyz.
Sondaı-aq Bekzat Nurdáýletov Azııa chempıonatynda altyn medal jeńip aldy.
Saǵyndyq Toǵambaı qarsylasyn nokaýtpen utyp, Azııa chempıony atandy.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).