Aıbek Nuǵymarov fınalǵa óte almaı qaldy

ASTANA. QazAQparat - Astanada «Barys Arena» sport kesheninde ótip jatqan «Qazaqstan Barysy» VIII Respýblıkalyq týrnırinde Erjan Shynkeev jartylaı fınalda Aıbek Nuǵymarovty utyp fınalǵa shyqty, dep habarlaıdy QazAqparat tilshisi.

Endi Aıbek Nuǵymarov úshinshi oryn úshin synǵa túsedi. Al Shynkeev fınalda Erasyl Qajybaev pen Ersultan Muzapparovtyń jeńimpazymen kúsh synasady.

Esterińizge sala keteıik, jarys jeńimpazyna altyn belbeý men altynnan quıylǵan «taıtuıaq» tabystalady. Ekinshi jáne úshinshi orynǵa sáıkesinshe kúmis jáne qola belbeý tapsyrylmaq. Ár beldesýdegi jeńis úshin balýandar 100 myń teńgeni qanjyǵasyna baılaıdy. ІІІ oryn alǵan balýanǵa 1,8 mln teńge, al onyń bapkerine 900 myń teńge tabystalady. Al ІІ oryn úshin 5,5 mıllıon teńge, onyń bapkerine 1,8 mln teńge berilmek. Týrnırde top jarǵan birinshi oryn ıegeri 25 mln teńgege ıe bolady. Al onyń bapkerine 3,5 mln teńge tapsyrylady.