Aıbek Nuǵymarov Abaı meroıtoıynda qazaq kúresinen halyqaralyq jarys ótkizýdi usyndy

ÓSKEMEN. QazAqparat – Eki dúrkin Álem barysy Aıbek Nuǵymarov Abaıdyń 175 jyldyǵynda qazaq kúresinen halyqaralyq jarys ótkizýdi usyndy, dep habarlaıdy QazAqparat.

«Shyǵys Qazaqstan oblysy Abaı aýdanynyń ortalyǵy Qaraýyl aýylynda 14-16 tamyz aralyǵynda ulttyq at sporty túrlerinen festıval ótedi. Soǵan qazaq kúresinen halyqaralyq jarysty qossaq pa deımin. Qazirdiń ózinde bul dodaǵa Ózbekstan, Tájikstan, Qyrǵyzstan, Mońǵolııa jáne Reseı elderiniń palýandary qatysýǵa nıet bildirip otyr», - dedi Aıbek Nuǵymarov oblys ákimdiginde ótken jıyn barysynda.

Onyń bul usynysyna aımaq basshysy Danıal Ahmetov birden qoldaý bildirdi.

«Óte jaqsy bastama. Qoldaımyn. Bul jarysty ótkizý úshin tıisti qarajat bólemiz», - dedi oblys ákimi.