Aıbat Іlııasov QR Oqý-aǵartý vıtse-mınıstri qyzmetinen bosatyldy

<p>Qazaqstan Respýblıkasy Úkimetiniń qaýlysymen Aıbat Bolatuly Іlııasov basqa jumysqa aýysýyna baılanysty oqý-aǵartý vıtse-mınıstri qyzmetinen bosatyldy.</p>

Bul týraly Úkimettiń baspasóz qyzmetinen málim boldy, dep habarlaıdy Kazinform.

Aıbat Іlııasov 1982 jyly Qaraǵandyda dúnıege kelgen. Qaraǵandy memlekettik ýnıversıtetin jáne Qaztutynýodaǵy Qaraǵandy ýnıversıtetin bitirgen.

Eńbek jolyn 2004 jyly Qazaq gýmanıtarlyq zań ýnıversıtetinde oqý-qosalqy personal operatory bolyp bastady.

2006-2007 jyldary — «Ulttyq aqparattyq tehnologııalar» AQ aǵa ınjener-elektronıgi, bas maman.

2008-2009 jyldary — Aqparattandyrý jáne baılanys agenttiginiń Telekommýnıkatsııa salasyndaǵy tehnıkalyq súıemeldeý jáne taldaý ortalyǵynda bas maman.

2009 jyldan 2012 jylǵa deıin — QR Joǵarǵy soty qurylymdarynda bas keńesshi, sektor meńgerýshisi, QR Ádilet mınıstrliginiń Aqparattandyrý jáne aqparattyq resýrstardy qorǵaý basqarmasynyń bas sarapshysy.

2013-2022 jyldary — QR Ádilet mınıstrliginiń Aqparattandyrý jáne aqparattyq resýrstardy qorǵaý basqarmasynyń basshysy, Tsıfrlandyrý jáne memlekettik qyzmetterdi avtomattandyrý departamentiniń dırektory.

2022 jyldan bastap qazirgi ýaqytqa deıin QR bilim jáne ǵylym vıtse-mınıstri bolyp qyzmet etti.