Aıbar Temenov Almaty oblysy ákiminiń keńesshisi bolyp taǵaıyndaldy

<p>QONAEV. KAZINFORM - Almaty oblysy ákimi apparaty basshysynyń buıryǵymen Aıbar Talǵatuly Temenov Almaty oblysy ákiminiń keńesshisi laýazymyna taǵaıyndaldy.</p>

Aıbar Talǵatuly 1983 jyly týǵan, bilimi joǵary. 2004 jyly Pekın pedagogıkalyq ýnıversıtetiniń qytaı tili jáne ádebıeti kolledjin «qytaı tili jáne ádebıeti», 2005 jyly Ál-Farabı atyndaǵy Qazaq Ulttyq ýnıversıtetin «eltaný», 2007 jyly Turar Rysqulov atyndaǵy Qazaq ekonomıkalyq ýnıversıtetin «ekonomıka» mamandyqtary boıynsha bitirgen.

Eńbek jolyn 2005 jyly Almaty qalasy Medeý aýdany ákimi apparatynyń mádenıet, tilderdi damytý, bilim jáne sport bóliminiń bas mamany bolyp bastaǵan.

Ár jyldary Medeý aýdany ákiminiń kómekshisi, Medeý aýdany ishki saıasat bóliminiń basshysy, Almaty qalasy kásipkerlik jáne ónerkásip basqarmasy basshysynyń orynbasary, Astana qalasy Esil aýdany ákiminiń orynbasary, «Din máselelerin zertteý ortalyǵy» kommýnaldyq memlekettik mekemesiniń dırektory, Kazakh-sino Silkway Company jaýapkershiligi shekteýli seriktestigi dırektorynyń keńesshisi, Almaty qalasy qoǵamdyq damý basqarmasy basshysynyń orynbasary, Áýezov aýdany ákiminiń orynbasary laýazymdarynda jumys istedi.

2022 jylǵy qarasha aıynan 2024 jylǵy sáýir aıyna deıin Almaty oblysy týrızm basqarmasynyń basshysy bolyp qyzmet atqardy.

Eske salsaq, 8 sáýirden bastap Qýanyshbek Mırambekuly Almaty oblysy týrızm basqarmasynyń basshysy laýazymyna taǵaıyndaldy.