Aıazdy kúnderi Aqtaýdaǵy aqqýlar teńiz jaǵasyna shyǵyp qalǵan
«Ádette teńizde júzip júretin aqqýlar kesheli beri jaǵada jatyr. Kók muzǵa baýyryn tósegen aqqýlarǵa alańdaǵan Mańǵystaý oblystyq Orman sharýashylyǵy jáne janýarlar dúnıesi aýmaqtyq ınsfektsııasy ókilderimen birge bizdiń ujym da aqqýlardyń jaǵdaıyn bilmekke jaǵalaýǵa baryp keldi. Aqtaý qalasy, 1 shaǵyn aýdanda 7 aqqý jaǵadaǵy muzda jatyr eken. Olardyń beseýi - aqqýdyń kógildirleri», delingen maqalada.
Jaǵaǵa shyǵyp qalýyna kúnniń sýyǵy men azyqtana almaýy sebep bolýy múmkin deıdi mamandar. Sebebi denelerinde eshqandaı jaraqat izderi baıqalmady.
«Keshe osyndaı jaǵdaı bolyp, bir aqqýdy Qarakól kóline apardyq. Onda qazirgi tańda 500-ge jýyq aqqý bar. Kórip turǵandaryńyzdaı, bular - aqqýdyń byltyrǵy balapandary. Qorek bolmaǵan soń muzdyń ústine shyǵyp qalyp otyr. Aqqýdyń negizgi azyǵy taıyz jerde bolady. Usaq balyqtarmen, shabaqtarmen, shóptiń tamyrlary, shaıandarmen qorektenedi. Sebebi olar teńizdiń taıyz jerinde bolady. Eger tereńge ketse, aqqýlar azyǵyn ala almaıdy», - deıdi oblystyq Orman sharýashylyǵy jáne janýarlar dúnıesi aýmaqtyq ınspektsııasy basshysynyń orynbasary Ǵabbas Dosatov.
Muz ústindegi aqqýlardyń bul jaǵdaıyna alańdaǵan aýmaqtyq ınspektsııa mamandary olardy óz baqylaýlaryna aldy. Jaǵdaılary nasharlap, ashyq teńizge shyǵyp ketpese, Qarakól kóline aparý sharalaryn qarastyratynyn da jetkizdi. Degenmen tamaqtanyp, ál jınaǵan qustar kóp uzamaı aıdynǵa qaıta oraldy.
Aıta keteıik, sońǵy eki jylda eshqandaı aqqý ólimi tirkelmegen. 2016 jyly tabıǵı jaǵdaılarǵa baılanysty (álsizdikten, aýrý saldarynan) eki aqqýdyń ólimi tirkelgen.
FOTO/7292info.kz