Aıazdyń beti qaıtty: Aldaǵy úsh kúnde boran soǵyp, qar jaýady
15:00, 15 Jeltoqsan 2023
<p>Qazgıdromet sınoptıkteri 16-18 jeltoqsanǵa arnalǵan úsh kúndik aýa raıy boljamyn jarııalady. </p>
Osy apta boıy Qazaqstannyń búkil aýmaǵynda ashyq jáne aıazdy aýa raıy saqtaldy.
Oǵan sebepshi bolǵan antıtsıklon birtindep soltústik-shyǵysqa jyljı bastaıdy. Osyǵan baılanysty aıaz álsireıdi.
Soltústik Atlantıka tsıklonynyń áserinen qar jaýady, burqasyn kóterilip, kóktaıǵaq bolady.
El boıynsha jel kúsheıedi.
«Túnde aýa temperatýrasy batysta 0-10 aıazǵa deıin, soltústik-batysta, soltústikte, ortalyqta, ońtústikte jáne ońtústik-shyǵysta 5-15 aıazǵa deıin birtindep joǵarylaıdy, biraq shyǵysta 22-35 gradýs aıaz áli de saqtalady» deıdi mamandar.