Aıazda adasyp ketken qostanaılyq bir kúnnen soń tabyldy

QOSTANAI.QazAqparat – Aıazdy kúni mal izdeýge shyqqan Arqalyq qalasynyń turǵyny adasyp ketken, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.

57 jastaǵy Arqalyq qalasyna qarasty Aqqoshqar aýylynyń turǵyny Jarqynbek Súleımen polıtseıler men TJ bóliminiń qyzmetkerlerine alǵys hat joldady. Onyń aıtýynsha, tártip saqshylary qıyn sátte kómekke kelip, ómirin aman saqtap qalǵan.

«Jarqynbek Súleımen «snegohodyn» minip, joǵalyp ketken malyn izdeýge Jezqazǵan qalasyna qaraı baǵyt alǵan. Orta jolda onyń kóligi synyp qalady. Uıaly baılanys jelisi bolmaǵan soń kómek suraı almady. Dalada adasyp qalǵan azamatty tártip saqshylary izdeýge shyqty. 250 shaqyrym júrgen polıtseıler ony bir kún ótken soń tapty. J.Súleımen Arqalyq qalasynan 95 shaqyrym jerde tabyldy» delingen vedomstvo habarlamasynda.

Jarqynbek Súleımen aıazdy kúni kómekke kelgen Arqalyq qalasynyń polıtseıleri Dinmurat Edresov pen Álisher Shegebaevqa, sonymen qatar TJD qyzmetkerlerine alǵys aıtty.