«Aıala» qaıyrymdylyq qory emhanaǵa jańa jabdyqtardy tabys etti
Qordyń vıtse-prezıdenti Jangeldi Sársenovtyń aıtýynsha, onyń ishinde ýltradybystyq, ýltrakúlgin sáýlelendirý jabdyqtary, galvanızator jáne basqa da zárý quraldar bar. Onyń jalpy quny 1 942 280 teńgeni quraıdy.
«Aıala» qaırymdylyq qory bizdiń emhanaǵa 3 jyldan beri kómektesip kele jatyr. Únemi naǵyz eń qajetti zattardy jiberedi. Búgin biz emdeý dene shynyqtyrý kabınetiniń jabdyqtalýyn aıaqtaǵan jabdyqtar men fızıoterapııaǵa qajet zamanaýı apparattardy aldyq. Olar fızıoterapevtıkalyq qyzmet jumysyn eleýli túrde jaqsartýǵa járdemdesedi», - dedi bas dáriger Gúljan Kójebekova. Onyń aıtýynsha, emhana 2011-2012 jyldary emdeý-dene shyynyqtyrý sabaqtary úshin kópsandy neshe túrli buıymdar alǵan. Ońaltý bóliminiń qyzmetkerleri zamanaýı medıtsınalyq jabdyqtardyń tıimdiligin joǵary baǵalap otyr.