Aıagózde jańa saıabaq salynady
05:44, 26 Aqpan 2020
AıAGÓZ. QazAqparat – Shyǵys Qazaqstan oblysy Aıagóz aýdanynda Qazaq handyǵynyń 555 jyldyǵy aıasynda saıabaq salynady, dep habarlaıdy QazAqparat.
Bıyl aıtýly dataǵa oraı aýdanda Shaqantaı batyrǵa, Jobalaı jáne Baıqotan bılerge eskertkish ornatylmaq. Sondaı-aq memlekettik-jekeshelik áriptestik aıasynda saıabaq ashý josparlanyp otyr.
«Aýdandyq ortalyqtandyrylǵan jáne barlyq aýyldyq okrýgterdegi kitaphanalarda Qazaq handyǵyna arnalǵan is-sharalar legi bekitildi. Mamyr aıynda Tarlaýly aýylynda «Qazaq handyǵynyń tarıhy» atty dóńgelek ústel ótedi», - deıdi Aıagóz aýdany ákiminiń orynbasary Bolat Súleımenov.
Onyń aıtýynsha, ál-Farabıdiń 1150 jyldyǵy da qalys qalmaıdy. Atalmysh mereıtoı aıasynda 30-dan astam shara ótkizý kózdelgen.