Aıagózde ózen sýy qıratqan kópirdiń qashan jóndeletini ázirge belgisiz

<p>SEMEI. KAZINFORM &ndash; Abaı oblysynyń Aıagóz aýdanynda kóterilgen ózen sýy qıratyp ketken kópirdiń qashan jóndeletini ázirge belgisiz.&nbsp;</p>

Bozaı eldi mekenindegi kópirdi qalypqa keltirý jumystary boıynsha aýdan ákimi Qanat Ádilbaı arnaıy mamandarmen kelissóz júrgizdi. 

«Kópirdiń jobalyq-smetalyq qujattamasyn daıyndaý, qurylys sapasy jaıy sóz etildi. Kópirdi jóndeý aıaqtalǵanǵa deıin aınalma joldy qarastyrý máseleleri de talqylandy», - dep habarlady oblys ákimdiginiń baspasóz qyzmetinen. 

Kópirdiń naqty qansha ýaqytta jóndeletini áli aıtylǵan joq. 

Eske salsaq, 27 naýryzda jergilikti mańyzy bar «Aıagóz-Bozaı» jolynyń 20 shaqyrymynda Aıagóz ózenindegi sý deńgeıiniń kóterilýine baılanysty kópirdiń jol tósemi shaıylyp, bir bóligi qıraǵan edi. Aýdan ákimi osy oqıǵadan soń tótenshe jaǵdaı rejımin jarııalaǵan bolatyn. Polıtsııa departamentiniń qyzmetkerleri shekteý belgilerin qoıyp, kezekshilik uıymdastyrdy. Turǵyndardy júzý quraldarynyń kómegimen ózen arqyly ótkizý úshin TJD qyzmetkerleri jiberildi.