Aıagózde qaza tapqan balalar úıde jalǵyz qalǵan – mınıstr

<p>Eńbek jáne halyqty áleýmettik qorǵaý mınıstri Svetlana Jaqypova Aıagózdegi órt saldarynan 4 balanyń qaza bolýy jóninde pikir bildirdi, dep habarlaıdy <a href="https://kaz.inform.kz/?_gl=1*ve0xir*_ga*NzgwMzg1NDY2LjE2OTQ4MzQ5NTM.*_ga_Y44SMVECD5*MTY5ODI4Mjg5Ny40OC4xLjE2OTgyODI5NDQuMTMuMC4w&amp;pk_vid=950730acf4cfe4b61698282951ee3036" target="_blank" rel="noopener">Kazinform</a> agenttigi.</p>

«Qazirgi ýaqytta komıssııa jumys júrgizip jatyr. Balalardyń ákesi jedel járdem qyzmetinde jumys isteıdi, anasy azyq-túlik alýǵa shyǵyp ketken. Balalar úıde jalǵyz qalǵan. Negizi balalardy jalǵyz qaldyrýǵa bolmaıdy. Buǵan deıin Astanada, Jambylda bolǵan oqıǵaǵa bárimiz kýá boldyq, qazir Aıagózde oryn aldy. Sondyqtan qazirgi ýaqytta komıssııa óz sheshimderin shyǵarady. Bizdiń tarapymyzdan tek qana járdemdesý – psıhologııalyq qoldaý kórsetý», - dedi Eńbek mıınstri elordada «Ózgeris dáýirindegi eńbek naryǵy» atty halyqaralyq konferentsııa kýlýarynda.

Eńbek jáne halyqty áleýmettik qorǵaý vıtse-mınıstri Oljas Ordabaev oqıǵanyń tekserilip jatqanyn, munda Oqý-aǵartý mınıstrligi Balalardyń quqyǵyn qorǵaý komıtetiniń pikiri mańyzdy ekenin aıtty.

«Memleket belgilegen barlyq qoldaý sharalary kórsetiledi, degenmen mundaı jaǵdaıda tergeý nátıjesin kútý kerek», - dedi vıtse-mınıstr.

Eske sala ketsek, keshe Aıagóz qalasynda jeke úılerdiń birinde órt shyǵyp, tórt balanyń denesi tabyldy.

Qazir ólimniń sebebi anyqtalýda. Tıisti saraptama taǵaıyndalyp, polıtsııa tergeý júrgizýde.