Aıagóz, Abaı, Óskemen jáne Jetisý garnızondary áskerı bólimderiniń jaı-kúıi tekserildi
Sapar barysynda ol jeke qurammen birqatar kezdesýler ótkizip, áskerı qyzmetshilerdiń áleýmettik-turmystyq jaǵdaılarymen, sarbazdardyń mádenı demalysynyń uıymdastyrylýymen, tamaqtaný ratsıonymen jáne tamaqty daıyndaý sapasymen tanysty.
Áskerı qyzmetshilermen bolǵan kezdesýlerdiń bári «Ana júregi» komıtetiniń ókilderimen jáne ata-analardyń qatysýymen ótti. Máselen 27943 áskerı bólimindegi is-sharada Óskemen qalasynyń turǵyndary E. Baeva, M. Pısmennaıa, sondaı-aq qoǵamdyq birlestik ókili N. Kosolapova sarbazdardyń aldynda sóz sóıledi.
Áskerı bólimderdiń jaǵdaıyn obektıvti baǵalaý maqsatymen kúndelikti jáne oqý-jaýyngerlik qyzmettiń ártúrli aspektileri boıynsha merzimdi qyzmet áskerı qyzmetshileri arasynda áleýmettik saýalnama júrgizildi. Saýalnama nátıjeleri sarbazdardy oqytý men tárbıeleýde adal qyzmetimen erekshelengen ofıtserler men serjanttardy anyqtady. Respondentter tamaqtanýdy uıymdastyrý boıynsha da óz tilekterin bildirdi.
Qurlyq áskerleri bas qolbasshysynyń orynbasary Abaı garnızonynda áskerı ujymdardaǵy moraldyq-psıhologııalyq ahýaldyń jaı-kúıine jaýapty ofıtserlerdiń qyzmetin tekserdi. Áskerı bólimderde otbasylyq janjaldardyń, turmystyq zorlyq-zombylyqtyń jáne býllıngtiń aldyn-alý ádisteri taldanady. Qaraýylǵa jáne jaýyngerlik kezekshilikke túsetin áskerı qyzmetshilerdiń moraldyq-psıhologııalyq jaı-kúıine monıtorıng júrgizýdi uıymdastyrý qajettigine nazar aýdaryldy.
Aıagóz garnızonynyń 10810 áskerı bólimindegi merzimdi qyzmet sarbazdaryn joǵary oqý oryndaryna túsýge daıyndaý boıynsha júrgizilgen aqparattyq-tárbıe jumysyna oń baǵa berildi. Bólimdegi arnaıy buryshta oqý materıaldary, anyqtamalyqtar jáne UBT testeri ornalastyrylǵan. QR kodtary bar karta ázirlengen. Sonyń arqasynda merzimdi qyzmettiń sarbazdary Qazaqstannyń kez kelgen joǵary oqý orny týraly tolyq aqparat ala alady.
Shtabta bólimshelerdiń kún saıynǵy jaýyngerlik daıyndyq, áskerı tártip, áskerler qyzmeti, tyldyq jáne tehnıkalyq qamtamasyz etý qyzmetindegi kemshilikteri men jetistikteri kórsetilgen stend ornalastyrylǵan. Jeke quramnyń óz mindetterin, memlekettik-quqyqtyq daıyndyq negizderin bilýi, áskerı tártipti saqtaýy tirkelip otyrady. Áskerı qyzmetshiler zapasqa shyǵarylǵannan keıin bir jylǵy reıtıng negizinde bilim alý jeńildikterin paıdalanyp, UBT tapsyrmaı joǵary oqý oryndaryna tegin negizde túse alady.
Jetisý garnızonynda polkovnık Ermııan Bıatov áskerı qyzmetshilermen birge 100 jasqa tolǵan Uly Otan soǵysynyń ardageri Ysqaq Qusaıynovty quttyqtap bardy. Ol sondaı-aq Halyq qaharmandary Saǵadat Nurmaǵambetov pen Raqymjan Qoshqarbaevtyń ǵasyrlyq mereıtoıyna arnalǵan is-sharalardy ótkizý sapasyna basa nazar aýdardy. Bul rette murajaılarmen, teatrlarmen jáne kitaphanalarmen yntymaqtastyqtyń mańyzy zor ekenin atap ótti.
Barlyq garnızondarda áskerı qyzmetshilerdiń otbasy múshelerimen kezdesýler ótkizildi. Onda aqshalaı úles, kıim-keshek múlkin paıdalaný normalary men merzimderi, elektr energııasyna tarıfter, qyzmetke kelip-ketý úshin avtokólikpen qamtamasyz etý, jumys ýaqyty reglamentin saqtaý máseleleri áńgime boldy. Barlyq suraqtarǵa egjeı-tegjeıli jaýap berilip, olardy quzyreti boıynsha sheshýge tapsyrmalar qoıdy.
Erekshe kózge túsken ofıtserlerge, kelisimshart boıynsha áskerı qyzmetshiler men sarbazdarǵa Qurlyq áskerleri qolbasshylyǵynyń atynan gramotalar, alǵys hattar men estelik syılyqtar tabys etildi.