Aıagóz garnızonynda oqý-jattyǵý kezinde sarbaz mert boldy

<p>ASTANA. KAZINFORM — Qorǵanys mınıstrligi búgingi sarbaz ólimine qatysty resmı málimdeme jasady. </p>

Búgin, 13 maýsym kúni oqý-jattyǵý barysynda qaýipsizdik erejeleriniń saqtalmaýyna baılanysty Aıagóz garnızonyndaǵy áskerı bólimniń merzimdi qyzmettegi áskerı qyzmetshisi jaraqat alyp, kóz jumǵan. 

Qorǵanys mınıstriniń orynbasary, general-maıor Shaıh-Hasan Jazyqbaevtyń aıtýynsha, atalǵan fakti negizinde qyzmettik tekseris taǵaıyndalyp, qylmystyq is qozǵalǵan.

«Kináli jáne laýazymdy tulǵalar Qylmystyq kodeks jáne tártiptik jarǵy aıasynda tıisti jaýapkershilikke tartylady. Qarýly kúshter áskerı qyzmetshiniń týǵan-týystary men jaqyndaryna orny tolmas qaıǵysyna ortaqtasyp, kóńil aıtady», — deıdi general-maıor.  

Marqumnyń otbasyna mınıstrlik tarapynan búkil kómek kórsetiledi.