«Aı Tı Bı» halyqaralyq týrıstik kórmesinde qazaqstandyq delegatsııa 1 oryndy ıelendi - T. Dosmuhambetov
Bul týraly búgin QR Parlamenti Májilisinde ótken Úkimet saǵatynda Týrızm jáne sport mınıstri Temirhan Dosmuhambetov málim etti.
«Aldaǵy besjyldyqta salalyq baǵdarlama boıynsha Qazaqstannyń týrıstik marketıngtik strategııasyn qalyptastyrý asa mańyzdy baǵyt retinde aıqyndalyp otyr. Elimizdiń týrıstik ımıdjin qalyptastyrý jáne Qazaqstandy álemdik naryqtaǵy jańa týrıstik baǵyt retinde kórsete bilý maqsatynda byltyr 8 iri halyqaralyq týrıstik kórmege at salystyq. Onyń qorytyndysy boıynsha Qazaqstan 3 ret Berlın, Pekın, Máskeý qalalarynda ótken kórmelerde birinshi oryndy ıelendi. Al jaqynda ǵana 9-13 naýryz aralyǵynda Berlın qalasynda ótken «Aı Tı Bı» 45-halyqaralyq kórmesinde qazaqstandyq delegatsııa «Azııa/Avstralııa» sanatynda 1 oryndy ıelendi», - deıdi mınıstr T. Dosmuhambetov.
Onyń aıtýynsha, atalǵan halyqaralyq kórmege álemniń 188 eli qatysqan. Sonymen qatar, atalǵan halyqaralyq kórmede qazylar qazaqstandyq stendtiń ekspozıtsııasyn úzdik dep tanyǵan.