Aı saıyn 12-13 úkimettik emes uıym qurylady – Aıda Balaeva

NUR-SULTAN. QazAqparat – Úkimettik emes uıymdardy tirkeý merziminiń qysqarýy azamattyq qoǵamnyń damýyna oń áser etip otyr. Qazaqstannyń H Azamattyq forýmynyń ashylýynda sóz sóılegen Aqparat jáne qoǵamdyq damý mınıstri Aıda Balaeva osy oıyn rastaıtyn derekterdi keltirdi, dep habarlaıdy QazAqparat tilshisi.

«Azamattyq qoǵamdy qalyptastyrýdyń daıyn retseptin adam joq shyǵar. Biraq, bıliktiń mindeti qashan da bireý – azamattyq qoǵamnyń damýy úshin barynsha qolaıly orta qurý. Úkimettik emes uıymdy ashyp, tirkeý merzimi 7-10 kúnge qysqartylǵanyn sonyń aıqyn belgisi deýge bolatyn shyǵar. Jyl saıyn eldegi «úshinshi sektordyń» qatary orta eseppen 150 jańa qatysýshymen nemese aıyna 12-13 úkimettik emes uıymmen tolyǵady», - dedi mınıstr.

Vedomstvo basshysynyń sózine qaraǵanda, eldegi azamattyq qoǵamnyń damýyna yqpal etetin orta 2003 jyldan bastap qalyptasqan.

«Sodan beri Azamattyq forým turaqty túrde ótkizilip keledi jáne úkimettik emes sektor men jalpy áleýmettik salany damytýdyń eń ózekti máselelerin ár joly tıimdi sheship keledi. Osy jyldar ishinde Azamattyq forým alańdarynda 500-den astam usynys ázirlenip, memlekettik organdar iske asyrýǵa mindetteldi. Osynyń arqasynda, búkil TMD keńistiginde úkimettik emes sektor salasyndaǵy eń ilgeri zańnamalyq jáne ádistemelik bazalardyń birin jasaqtaı aldyq», -dedi mınıstr.