Avtojoldardaǵy jaǵdaı: Tuman, burqasyn, kóktaıǵaq

<p>ASTANA. KAZINFORM &mdash; &laquo;QazAvtoJol&raquo; kompanııasynyń baspasóz qyzmeti aýa raıyna baılanysty elimizdiń avtojoldaryndaǵy jaǵdaı týraly málimet taratty.&nbsp;</p>

«Batys Qazaqstan, Soltústik Qazaqstan, Pavlodar, Qostanaı jáne Qyzylorda oblystarynda qalyń tuman túsedi. Kórinis shektelýi múmkin. Shyǵys Qazaqstan, Abaı, Jetisý, Túrkistan jáne Almaty oblystarynda qar men jańbyr jaýyp, kók taıǵaq paıda bolý qaýpi bar. Aqmola oblysynda jaıaý burqasyn men tuman bolady dep boljanǵan» - delingen habarlamada.

«QazAvtoJol» kompanııasy qaýipsizdik maqsatynda jol júrý erejesin qatań saqtap, uzaq jolǵa shyǵar aldynda aýa raıynyń qolaısyzdyǵyn eskerýdi suraıdy.

Esterińizge sala keteıik, buǵan deıin 13 naýryz, sársenbige arnalǵan aýa raıy boljamyn jazǵan bolatynbyz.