Avtorlyq qoǵamdar shyǵarmashyl adamdardyń zańǵa saýatsyzdyǵynan tabys taýyp júr – sarapshy

<p>ASTANA. KAZINFORM &ndash; Májiliste keratıvti ındýstrııany damytý jóninde ótip jatqan jıynda avtorlyq quqyq salasyndaǵy sarapshy Temirlan Tólegenov shyǵarmashylyq adamdary óz talatyn aqshaǵa aınaldyrýǵa ıkemsiz ekenin aıtty.&nbsp;</p>

«Birinshi másele shyǵarmashyl adamdardyń avtorlyq quqyq máselesinde múldem saýatsyzdyǵynda. Avtorlardyń kóbi shyǵarmashylyq jumysynyń nátıjesin aqshaǵa aınaldyra almaıdy», - dedi zańger.

Sondaı-aq avtorlyq qoǵamdar shyǵarmashyl adamdardyń zańǵa saýatsyzdyǵyn paıdalanyp, tıesili aqysyn ádiletti mólsherde tólemeı júr. 

«Avtorlyq quqyq degen – kásipkerlik quqyq. Órkenıetti elderde ónerdi kommertsııalandyrýdyń jalǵyz quraly osy. Biraq Qazaqstandaǵy shyǵarmashylyq joǵary oqý oryndarynda avtorlyq quqy negizderi deıtin pán oqytylmaıdy», - dedi sarapshy.

Temirlan Tólegenov avtorlyq qoǵamdar jyl saıyn 1,5-2 mlrd teńge tabys tapqanymen sonyń 90 paıyzyn ákimshilik shyǵyndar jeleýmine ózinde alyp qalatynyn aıtady. Al zań boıynsha avtorlyq quqyq tóleminiń 70 paıyzyn ǵana avtorlyq qoǵam ıemdene alady. Zańger avtorlyq tólem jınaý protsesin tsıfrlandyrýdy usyndy. 

«Tsıfrlandyrý mınıstrliginiń qolynan bul keledi. Sonyń arqasynda avtorlyq qoǵamdardyń shyǵynyn 15-20 paıyzǵa deıin azaıtýǵa bolady», - dedi sarapshy.