Avtonesıege qatysty jańa baǵdarlama qashan iske qosylady

NUR-SULTAN. QazAqparat – QR Indýstrııa jáne ınfraqurylymdyq damý vıtse-mınıstri Marat Qarabaev avtonesıege qatysty jańa baǵdarlama qashan iske qosylýy múmkin ekenin aıtty, dep habarlaıdy QazAqparat tilshisi.

«Alǵashynda bastapqy 20 paıyz jarnany tek áleýmettik osal toptardyń tólemeýin qarastyrdyq. Mysaly, jas otbasylar, dárigerler, oqytýshylar, muǵalimderdi bosatý oıymyzda boldy. Halyqty kóbirek qamtý úshin qarastyryp otyrǵan ekinshi baǵytymyz keshe vıtse-premer Roman Sklıar aıtqandaı, barlyq azamatqa bastapqy 20 paıyzdy birden tólemeý múmkindigin qarastyryp jatyrmyz», - dedi vıtse-mınıstr Ortalyq kommýnıkatsııalar qyzmetindegi baspasóz máslıhatynda.

Onyń atap ótýinshe, jańa baǵdarlamany tolyqqandy daıyndaý úshin azdaǵan ýaqyt qajet.

«2 apta ýaqyt berińizder, sodan keıin biz sizderge kelip, myna kúnnen bastap baǵdarlama iske qosylady, qaǵıdalary mynadaı dep aıtyp beremiz», - dedi Marat Qarabaev.