Avtonesıege alynǵan kólikti satýǵa bola ma

ASTANA. QazAqparat – Keshe elimizde jeńildetilgen paıyzben avtonesıe berýdiń alǵashqy kezeńi bastaldy. Sanaýly sekýndtyń ishinde 761 qazaqstandyq kredıt alý múmkindigine ıe boldy. Osy oraıda QazAqparat tilshisi «Ónerkásipti damytý qory» ókiline nesıege alynǵan kólikti qaıta satýǵa bola ma? degen saýal qoıǵan edi.

«Kólikti qaıta satý múmkin emes. Óıtkeni, ol jerde ár adamnyń JSN (jeke sáıkestendirý nómiri) kórsetilgen. Odan bólek, klıenttiń aty-jóni men bank tólem shoty usynylady. ıAǵnı avtomobıl tek sol adamǵa beriledi jáne ol ala sala bireýge sata almaıdy», - dedi «Ónerkásipti damytý qory» AQ basqarma tóraǵasynyń orynbasary Rınat Gapparov Úkimet úıiniń kýlýarynda.

Onyń aıtýynsha, avtonesıelendirý boıynsha jaǵdaı qordyń baqylaýynda jáne protsess avtomattandyrylǵan.

Buǵan deıin avtomobılge jeńildetilgen nesıe alǵandardyń tizimi ashyq jarııalanýy múmkindigi týraly habarlaǵan edik.

Sonymen qatar jeńildetilgen avtonesıege ótinimdi smartfon arqyly berýge qatysty saýalǵa jaýap berildi.

Odan bólek, Qarjy mınıstri Erulan Jamaýbaev suranystyń artýyna baılanysty qosymsha qarjy bólý máselesin qozǵady.