Avtomobıldi bastapqy tirkeý alymy tómendeı me

ASTANA. QazAqparat –Premer-Mınıstr Álıhan Smaıylov Májilis depýtattarynyń avtomobıldi bastapqy tirkeý alymyn tómendetýge qatysty saýalyna jaýap berdi, dep habarlaıdy QazAqparat tilshisi.

«Bastapqy tirkeý alymyn alý eski jáne ekologııaǵa saı kelmeıtin avtomobılderdi shetten ákelýdi retteý úshin tıimdi tetik sanalady. Munan bólek, Reseı Federatsııasynda, Belarýs Respýblıkasynda (menshikti avtomobıl óndirisi bar EAEO-ǵa qatysýshy elder), sondaı-aq Ózbekstan Respýblıkasynda bastapqy tirkeý alymy qyzmetin saralanǵan ýtılalym atqarady. Ol qozǵaltqysh kólemine de, kóliktiń shyǵarylǵan jylyna da qatysty eseptelinedi. Joǵaryda aıtylǵandy eskere otyryp, shyǵarylǵanyna 3 jyldan asatyn avtomobılderge qatysty bastapqy tirkeý alymyn tómendetý maqsatqa saı kelmeıdi dep esepteımiz», - dep atap ótedi Úkimet basshysy jaýabynda.