Avtomektepten anyqtama: 511 adam júrgizýshi kýáligin alǵan

<p>QYZYLORDA. KAZINFORM &ndash; Jańa erejege sáıkes, júrgizýshi kýáligin alý úshin avtomektepte oqýdy aıaqtaǵany týraly anyqtama mindetti túrde usynylýy tıis. Jańa erejeler 2024 jyldyń 23 sáýirinde kúshine enip, 511 adam óz júrgizýshi kýáligin alyp úlgergen. Bul týraly Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev Qyzylordaǵa jumys sapary barysynda aıtyldy.&nbsp;</p>

Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev Qyzylordaǵa jumys sapary barysynda mamandandyrylǵan Halyqqa qyzmet kórsetý ortalyǵyna bardy.

Foto: QR TsDIAÓM baspasóz qyzmeti

«Azamattarǵa arnalǵan úkimet» memlekettik korporatsııasy» KEAQ Qyzylorda oblysy boıynsha fılıalynyń dırektory Aıda Abıbýllaeva mamandandyrylǵan Halyqqa qyzmet kórsetý ortalyǵynyń jumys barysy týraly baıandady. Ol Qyzylorda oblysynda 2022 jyly kólikti tirkeý 53 596 bolsa, 2023 jyly bul san 94 523 deıin jetkenin aıtty, suranys 2 esege ósken.

Foto: QR TsDIAÓM baspasóz qyzmeti

Tsıfrlyq damý mınıstrliginiń basshysy mamandandyrylǵan qyzmet kórsetý ortalyǵynyń jumysymen tanysyp, kólik júrgizýdiń jańa erejeleri boıynsha test-draıv jasady.

«Jalpy bul mamandandyrylǵan ortalyqta júrgizýshi emtıhandaryn tapsyratyn 14 avtokólik jáne múmkindigi shekteýli jandarǵa arnalǵan 1 avtokólik bar. Tsıfrlyq damý mınıstrliginiń basshysy Arnaıy halyqqa qyzmet kórsetý ortalyǵynyń jumysyn jaqsartý boıynsha birqatar tapsyrmalar berdi. «Memlekettik qyzmetterdi offlaın rejımnen onlaın formatta alýdy yntalandyrý qajet. Onlaın qyzmetterdi alýdy jeńildetý kerek, óıtkeni proaktıvti túrde usynylatyn kóptegen memlekettik qyzmetter áli de Halyqqa qyzmet kórsetý ortalyqtarynyń front-ofısterinde júzege asyrylýda», — dedi mınıstr Jaslan Mádıev.