Avtomattandyrylǵan júıeniń kóleńkesinde qalǵan kedenshilerge ne bolady

ASTANA. QazAqparat - Qazaqstan shekarasynda taýarlardy avtomattandyrylǵan jabdyqtarmen baqylaý úshin ASTANA-1 júıesi engizilgennen keıin, kedendik beketterde qyzmetkerler qysqartylady. Bul týraly QR Qarjy mınıstrligi Memlekettik kirister komıteti tóraǵasynyń orynbasary Ǵosman Ámrın málim etti, dep habarlaıdy QazAqparat.

«Biz ońtaılandyrý sharalaryn júrgizýge májbúr boldyq. Bıyl ózbek shekarasynda eki ótkizý beketin ashtyq jáne ol jerge adamdardyń shtaty kerek. Sonymen qatar biz táýlik boıy jumys jasaıtyn rejımge aýystyq. Ózderińiz bilesizder, bir adam 24 saǵat boıy qyzmet ete almaıdy. Sonymen birge bizge eksporttyq baqylaý boıynsha jańa qyzmetter júkteldi. Aldaǵy jyly Qytaımen aradaǵy shekarada eń úlken beket ashylady, shamamen sáýir-mamyr kezinde iske qosylady. Osy oraıda bul jerde aýqymdy jumys júrgizilgendikten, osy beketke de qyzmetkerler qajet bolady», - dedi ol Ortalyq kommýnıkatsııalar qyzmetinde.

Onyń sózine qaraǵanda, ASTANA-1 júıesi 1 qazannan bastap jumys isteýde jáne onyń kómegimen kedendik úderiske avtomattandyrylǵan baqylaý iske asyrylady.

«Máselen, bir kompanııa buryndary kontabandamen ustalsa, birden bul kompanııany tyńǵylyqty tekserýge buıryq beriledi. ıAǵnı, júıe kedenshi jumysyna nusqaý jasaıdy. Eger de kedenshi bul sharalardy iske asyrmasa, onda júıe oǵan deklaratsııany jabýǵa ári qujattardy rásimdeýge múmkindik bermeıdi. Eger de jańa kompanııa bolsa, onda taýar quny baǵalanady. Osy oraıda «iPhone» qurylǵysyn tasymaldaýshy 100 dollar dep belgilese, óz kezeginde mashına buǵan deıin deklaratsııada osy qurylǵylar 800 dollardan jazylǵanyn anyqtaıdy. Bul turǵyda júıe qujattardyń durystyǵyn anyqtaýǵa buıryq beredi. Ol ónim qunyna, taýarǵa, tasymalǵa, elderge jáne basqa da faktorlarǵa áreket etedi», - dedi Ǵ. Ámrın.

Qarjy mınıstrligi ókilderiniń paıymynsha, atalǵan júıe kedendik rásimderdi jyldamdatyp, qaǵazbastylyqtan bas tartý arqyly taýarlardy deklaratsııalaýǵa, sybaılas jemqorlyq deńgeıin tómendetýge yqpal etedi.