Avtokólikke kapotty tirkegen: Oralda 17 jastaǵy qyz qaza tapty

<p>Oral qalasynda avtokólikke kapotty tirkep, syrǵanaǵan 17 jasar qyz qaza tapty, dep habarlaıdy <a href="Kazinform" target="_blank" rel="noopener">Kazinform.</a></p>

BQO polıtsııa departamenti jergilikti polıtsııa qyzmeti basqarmasy bastyǵynyń orynbasary, polıtsııa podpolkovnıgi Bolat Jańabaevtyń aıtýynsha, oqıǵa 5 qańtar kúni qalaǵa qarasty Vetelkı aýylynda boldy.

Onyń sózine qaraǵanda, saǵat 23.41-de 17 jasar qyz oblystyq kópbeıindi balalar aýrýhanasyna jetkizilgenimen, esin jımastan kóz jumǵan.

«Polıtsııa qyzmetkerleri anyqtaǵanyndaı, qyz dostarymen birge avtokólikke tirkelgen eski kapotqa otyryp, syrǵanaǵan. Sodan gaz baǵanasyna soǵylǵan. Júrgizýshi kýáligi joq jasóspirim Abaı kóshesinde jol erejesin saqtamaı, «VAZ-2107» avtokóligine kapotty tirkegen. Qazirgi kezde oqıǵanyń mán-jaıy anyqtalý ústinde», - dedi B.Jańabaev.

BQO polıtsııa departamentinen túsken málimetke qaraǵanda, jańa jyldyń alǵashqy aptasynda oblysta jol apattary saldarynan 7 adam qaıtys boldy.

Eske sala keteıik, budan buryn Batys Qazaqstanda jol apatynan úsh adamnyń kóz jumǵanyn jazǵan bolatynbyz. Sondaı-aq jol apatynan 1 adam mert bolyp, 4-eýi jaraqat aldy.