Avtokólik qurastyrýdyń anaǵurlym kúrdeli deńgeıine kóshý kerek – Memleket basshysy

<p>ASTANA. KAZINFORM &mdash; Prezıdent Qasym-Jomart Toqaev Úkimettiń keńeıtilgen otyrysynda avtokólik qurastyrý týraly aıtty.&nbsp;</p>

«Endi avtokólik qurastyrýdyń anaǵurlym kúrdeli deńgeıine birtindep kóshý kerek. Elimizde óńdeý ónerkásibiniń basqa da bolashaǵy zor salalaryn damytqan jón. Sondaı-aq ishki naryqtyń suranysyn tolyq ótegennen keıin bıznesti eksportqa shyǵýǵa baǵyttaý qajet. Mundaı qadam kásipkerlerimizdiń básekege qabileti joǵary ekenin kórsetetin bolady», - dedi Qasym-Jomart Toqaev.

Prezıdenttiń aıtýynsha, naqty sektordy uzaq merzimge arnalǵan qarjymen qamtamasyz etý – ónerkásip salasyn qarqyndy damytýdyń negizgi sharty.

«Biryńǵaı jınaqtaýshy zeınetaqy qorynyń aktıvterin tıimdi paıdalaný – osy máseleni sheshýdiń bir amaly. Bul rette, árıne, mindetti túrde zeınetaqy jınaǵynyń saqtalýyn qamtamasyz etý kerek. Sondyqtan, ekonomıkany ártaraptandyrýǵa jáne ındýstrııalandyrýǵa yqpal etetin jobalardy muqııat irikteý qajet», - dedi Memleket basshysy.