Avtokóliktiń VIP-nómirlerin satýdan bıýdjetke 4 mlrd teńge tústi

ASTANA. QazAqparat - Qazaqstandyqtar 15 myńǵa jýyq joǵary suranystaǵy memlekettik tirkeý nómirlerin satyp alǵan. Osylaısha, el bıýdjeti 4 mlrd teńgege tolyqty, dep habarlaıdy QazAqparat Qazaqstannyń avtobıznes qaýymdastyǵyna silteme jasap.

«Ekinshi toqsannan bastap naryqta belsendilik artty jáne memlekettik nómirlerge jańadan qosylǵan G, I, J, Q áripterimen aqyly kombınatsııalarǵa suranys kóbeıdi. Jyl boıy 15 myńǵa jýyq joǵary suranystaǵy memlekettik tirkeý nómirleri satyldy. Olardyń jalpy quny - 4 mlrd teńge», - delingen habarlamada.

Qaýymdastyq keltirgen derekterge sáıkes, 2018 jyly ákimshilik polıtsııa organdary 1 194 254 kólik quralyn (kelisimsharttar, qaıta rásimdeý, avtokólik ıesin aýystyrý) esepke qoıǵan. Bul 2017 jylǵy kórsetkishten 14,8% kóbirek.

Ásirese, qaıtalama tirkeý sany jalpy tirkeýdiń 92,9% quraǵan.

«El avtoparki eskirip keledi - 2018 jylydń basynan bastap, jalpy tirkeýdiń 2/3 bóligin 10 jyldan asyp ketken kólikter (790 171 dana) quraǵan. Paıdalanǵanyna 20 jyldan asyp ketken kólikter sany - 464 236 avto. 3-10 jyl aralyǵynda 290 205 avtokólik bolsa, úsh jylǵa deıingi jańa kólikter sany - 112 833», - delingen habarlamada.