Avtokólikterdi tirkeý men júrgizýshi kýáligin berýmen aınalysatyn 4 HQKO ilki rejimde jumysyn bastaıtyn boldy

ASTANA. 28 mamyr. QazAqparat - Bıyl Astana, Almaty, Aqtaý jáne Qaraǵandy qalalarynda avtokólik quraldaryn tirkeý jáne júrgizýshi kýáligin berýmen aınalysatyn 4 halyqqa qyzmet kórsetý ortalyǵy ilki rejimde  iske qosylatyny josparlanady.

Bul týraly búgin Parlament Májilisindegi Úkimet saǵatynda Kólik jáne kommýnıkatsııa mınıstri Asqar Jumaǵalıev  málim etti.

Mınıstrdiń aıtýynsha, bıyldan bastap halyqqa qyzmet kórsetý ortalyqtaryn jańǵyrtý jumystary odan ári jalǵasyn tabady. «Ótken jyly 28 ortalyqqa jańǵyrtý jumysy júrgizilgen bolatyn. Nátıjesinde turǵyndardyń halyqqa qyzmet kórsetý ortalyqtarynyń qyzmetine qanaǵattanýshylyq bildirý deńgeıi 65-ten 76 paıyzǵa deıin ósti. Kerisinshe, qyzmet kórsetý ýaqyty 60 mınýttan 15-20 mınýtqa qysqardy. Aǵymdaǵy jyly taǵy da 221 halyqqa qyzmet kórsetý ortalyqtary jańǵyrtylady. Ortalyqtarda kedergisiz qyzmet kórsetý, eńbekti baǵalaý qaǵıdattary engiziledi»,-dedi mınıstr.

Sondaı-aq vedomstvo basshysynyń aıtýynsha, 2012 jyly mınıstrlik 56 mobıldik halyqqa qyzmet kórsetý ortalyqtaryn iske qosýdy josparlaıdy. Al, búgingi tańda mundaı mobıldi ortalyqtardyń sany 14.