Avtokólik almaq bolǵan óskemendik alaıaqqa 2,6 mln teńge bergen

ÓSKEMEN. QazAqparat – Óskemen qalasynyń turǵyny nesıege kólik alý úshin qujat jasap berýge kómektesetindigin aıtqan alaıaqqa aldanyp qaldy, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, Ertis polıtsııa bólimine qalanyń 47 jastaǵy turǵyny júgingen. Ol ózin áńgimege tartqan beıtanys adamnyń nesıege kólik alý úshin qujat jasap berýge kómektesetindigin aıtyp, 2 650 000 teńgesin alǵanyn jetkizdi. Alaıda sol ýaqyttan beri alaıaq habar-osharsyz ketken.

«Jedel-izdestirý sharalaryn júrgizgen tártip saqshylary kúdiktini qysqa merzimde ustady. Ol Rıdder qalasynyń 47 jastaǵy turǵyny bolyp shyqty. Qazirgi ýaqytta kúdikti qolhatpen bosatylǵan», - delingen aqparatta.

Atalǵan fakti boıynsha QR QK-niń 190-baby 1-bóligine (Alaıaqtyq) sáıkes sotqa deıingi tergeý amaldary júrgizilýde.