AvtoHQO-lar aldyndaǵy uzyn-sonar kezekke túsinik berildi

ALMATY. QazAqparat – «Azamattarǵa arnalǵan úkimet» memlekettik korporatsııasynyń Almaty qalalyq fılıaly Mamandandyrylǵan halyqqa qyzmet kórsetý ortalyqtarynda qalyptasqan uzaq-sonar kezekke qatysty túsinik berdi, dep habarlaıdy QazAqparat tilshisi.

Mamandandyrylǵan HQO-lardyń biriniń aldynda kóp adamnyń jınalǵan vıdeosy áleýmettik jelide tarady. Vıdeo avtorynyń aıtýynsha, kezekte turǵandar avtomektep oqýshylary.

«Azamattarǵa arnalǵan úkimet» mekemesiniń Almaty qalalyq fılıaly uzaq demalystan keıin qaladaǵy barlyq avtoHQO-da azamattardyń kóptep jınalǵanyn rastady.

«Máselen, 10 mamyrda tek №1 mamandandyrylǵan HQO-da 2 myńnan astam memlekettik qyzmet kórsetilse, ekinshi deńgeıli bankterdiń kólik quraldaryn qaıta tirkeýge bergen ótinishteri arqyly 3 myńnan astam qyzmet kórsetildi. Sondaı-aq júrgizýshi kýáligin alýǵa úmitkerler sany artqan. 13 mamyr senbi kúni de osyndaı jaǵdaı baıqaldy. Qazirgi ýaqytta Mamandandyrylǵan HQO-lar shtattyq rejımde jumys istep tur. Eshqandaı kezek joq»,- dep habarlady «Azamattarǵa arnalǵan úkimet» mekemesiniń qalalyq fılıalynan.