Avtobýsta dombyra shertken shyńjańdyq bala kópshiliktiń yqylasyna bólendi

<p>ASTANA. KAZINFORM - Avtobýsta dombyra shertip otyrǵan&nbsp; jasóspirim kópshiliktiń nazaryn ózine aýdardy, dep habarlaıdy Qytaıdyń <a href="https://mp.weixin.qq.com/s/WdBmdylMa7sQfilpnOGkNA" target="_blank" rel="noopener">Harajorga</a> aqparattyq jelisi.</p>

Atalǵan BAQ-tyń málimetinshe, jaqynda shyńjańdyq jas jetkinshektiń avtobýsta dombyra shertip otyrǵan vıdeosy áleýmettik jelilerde taraǵan. Vıdeony kórgen jeli qoldanýshylary ystyq yqylasyn bildirgen.

Keltirilgen derekterge súıensek, avtobýs júrgizýshisi jasóspirim balanyń dombyramen qoǵamdyq kólikte otyrǵanyn kórip oǵan «bir kúı tartyp berseńshi» dep ótinedi. Jolaýshy bala esh tartynbastan dombyrasyn qolyna alyp kósilte kúı sherte jóneledi.

- Dombyranyń kúmbirli úni qysqy kúndegi avtobýs ishine jylýlyq pen jarasymdylyq syılady. Áleýmettik jeli qoldanýshylary kishkentaı balanyń tartymdy ónerine rıza bolyp, jaqsy tilegin aıtyp jatty, - dep jazady qytaılyq basylym.

Bıyl Qytaıda temir jolmen tasymaldanǵan adamdar sany 4 mıllıardtan asqanyn jazǵan bolatynbyz.