Avstrııada koronavırýsqa qarsy ımmýnıtet qansha ýaqyt saqtalatyndyǵy aıtyldy

VENA. QazAqparat – SARS-CoV-2 jańa koronavırýsqa qarsy ımmýnıtet adamdarda atalǵan vırýsqa antıdene anyqtalǵan keıin 8 aıǵa deıin saqtalatyndyǵy anyqtaldy. Bul jaıynda Insbrýk medıtsına ýnıversıteti saıtynda jarııalanǵan aqparatta aıtylǵan, dep habarlaıdy QazAqparat.

Máselen, 2020 jyldyń sáýirinde, pandemııa bastalǵan kezde medıtsına qyzmetkerleri Ishgl qaýymy turǵyndaryn koronavırýsqa qarsy antıdenege zertteý júrgizgen. Atalǵan qaýym turǵyndaryna qaıtalama zertteý sol jyldyń qarashasynda jasalǵan. Nátıjesinde birinshi zertteýge qatystan adamdardyń 90 paıyzynda vırýsqa antıdene saqtalǵany anyqtalyp otyr.

«Birinshi zertteýmen salystyrǵanda antıdene kontsentratynyń azdap tómendegenine qaramastan olardyń ımmýnıteti turaqty dep aıtýǵa bolady. Sáýirde oń nátıje kórsetken qatysýshylardyń 90 paıyzynda antıdene qarashada anyqtaldy», - dedi Insbrýk medıtsına ýnıversıteti Vırýsologııa ınstıtýtynyń basshysy Doroteıa fon Laer.

Taratylǵan aqparatqa qaraǵanda, zertteýge shamamen 900 adam qatysqan.