Avstrııada qıyndyqqa tap bolǵan qazaqstandyq otbasy Qazaqstanǵa deportatsııalanady
Eske sala ketsek, osy jyldyń qyrkúıeginde QR SІM resmı ókili Aıbek Smadııarov Avstrııada qıyndyqqa tap bolǵan qazaqstandyq otbasyǵa qatysty pikir bildirgen bolatyn.
«Atalǵan aqparat jergilikti BAQ-ta jarııalandy. Bizdiń qolymyzdaǵy málimet boıynsha Baıdelder otbasy Avstrııanyń Nıdelrvaldkırhen qalasynda shirkeýdiń janynda 2013 jyldan beri turyp jatyr. Olar baspana suraýshy mártebesindegi otbasy. Turaqty jumys oryndary joq. Jergilikti áleýmettik kómekti alyp otyr. Avstrııadaǵy jergilikti bılik olardy elde qaldyrýdan, baspana berýden bas tartty. Osy oqıǵadan keıin otbasynyń músheleri men kórshileri, baspana berip, elde qaldyrýdy talap etip, kóshege shyqqan. Alaıda sol eldiń zańy boıynsha ol otbasyn elde qaldyrýǵa eshqandaı negiz joq», - dedi ol.
Arada eki aı ótkennen keıin Aıbek Smadııarovtan tilshiler Avstrııadaǵy sol otbasynyń taǵdyry ne bolyp jatqanyn surap kórdi.
«Ázirge konsýl olarmen baılanys ustap otyr. Olar áli sol Avstrııada. Bilýimizshe, avstrııalyq bılik olardy keri deportatsııalaýdy kózdep otyr. Sebebi, olar sol jaqta jumys istemeı eshqandaı qujatsyz birneshe jyl boıy turyp jatyr. Sózsiz, bizdiń konsýl qajetti barlyq kómekti kórsetedi», - dedi ol.