Avstrııada qatty tońyp qalǵan 35 mıgrant tabyldy
13:40, 08 Sáýir 2023
ASTANA. QazAqparat - Avstrııanyń ońtústigindegi Klagenfýrt mańynan júk kóliginiń tirkemesinen qatty tońyp qalǵan 35 mıgrant tabyldy, dep habarlaıdy QazAqparat Euronews-ke silteme jasap.
Polshada tirkelgen kólik demalys ornynan tasjoldyń qarsy baǵytyna shyǵyp, jolda dóńgelegin tesip alǵan. 7 saǵattyq jóndeýden keıin jumysshylar mórlengen tirkemeden adam daýysyn estigen. Olar ınfraqyzyl kamerany paıdalanyp, ishinen qozǵalys belgilerin baıqady.
Garaj jumyskerleri polıtsııa shaqyrtty. Kóliktiń 68 jastaǵy júrgizýshisi, Túrkııa azamaty qamaýǵa alyndy.
Polıtseılerdiń aıtýynsha, ol jóndeý jumystarynyń erteńge deıin aıaqtalmaıtynyn estigende, birden bastyǵyna habarlasyp, ol da tezirek bitirýdi talap etken.
Habarlanǵandaı, Bangladesh, Nepal jáne Mysyrdan zańsyz mıgranttar kólikte 70 saǵat boıy otyrǵan.