Avstrııada 1945 jyly qaza bolǵan 38 sarbaz qaıta jerlendi, olardyń arasynda qazaqstandyqtar da bar

ASTANA. QazAqparat - Avstrııany fashızmnen azat etý jolynda 1945 jyly sáýirde qaza bolǵan 38 keńestik sarbazdardyń múrdeleri eldiń shyǵysyndaǵy Obervart qalasynda qaıta jerlendi.

TASS-tyń habarlaýynsha, baýyrlastar beıiti Veltenberg eldi mekeninen tabylǵan, odan 38 keńestik sarbazdyń múrdeleri tabyldy. Muraǵattyq málimetter boıynsha, olardyń jartysyna jýyǵy - reseılikter, taǵy 12-si - Ýkraınadan, qalǵandary - Moldavııa, Qazaqstan jáne Belarýs týmalary.   

Erlikpen qaza tapqan bozdaqtardyń múrdesi áskerı qurmetpen jer qoınyna berilip, olarǵa duǵa baǵyshtaldy, budan keıin azat etýshi-jaýyngerler memorıalyna gúl shoqtary qoıyldy.

Keńestik sarbazdardy qaıta jerleý tarıhy ótken jyly bastalǵan bolatyn. Olardyń baýyrlastar beıiti jergilikti turǵyn Iohanne Shperktiń arqasynda Veltenberg eldi mekeniniń mańynan tabyldy. Avstrııalyq «Qara krest» memorıaldyq qoǵamynyń qyzmetkerleri sol kezde 92 jastaǵy áıelden hat alǵan bolatyn. Ol onyń ata-analarynyń úıleri baqshasynan Ekinshi dúnıejúzilik soǵys kezinde jerlengen 29 sarbazdyń beıiti tabylǵany aıtylǵan bolatyn, al onyń ózi sol kúnderdiń sońǵy kýágeri.

Shperktiń aıtýynsha, 1954 jylǵa deıin Avstrııada bul jer resmı áskerı qorym bolyp sanalǵan. Keıinnen beıit qaraýsyz qalyp, onyń ornyna jemis baqshasy oryn tepken. .

Al ótken jyly «Qara krest» qyzmetkerleri bul jerden adam súıekterin tapqan.

Memorıaldyq qoǵamnyń qamqorshylar keńesiniń múshesi jáne «Avstrııany azat etýde qaza tapqan keńes sarbazdarynyń «Eske alý kitabynyń" avtory Peter Sıksl reseı muraǵattarynan 70 jyl burynǵy oqıǵalardy qýattaıtyn qujattardy tapty.

Ony qazýǵa ruqsat osy jylǵy kóktemde de ǵana berildi, basqa da qıyndyqtarǵa baılanysty sozylyp ketti. Qorymnan kóptegen granattar tabyldy, ony áskerı saperler birneshe ret zararsyzdandyrdy.

Sóıtip, Shperk otbasy úıiniń baqshasynan 29 emes, 38 keńes jaýyngerleriniń múrdesi tabyldy. Muraǵat málimetterine sáıkes olardyń jartysyna jýyǵy - Reseı týmasy, taǵy 12-si - Ýkraınadan, qalǵandary - Moldavııa, Qazaqstan jáne Belarýs týmalary bolyp shyqty.

Qazir olardyń barlyǵy da Avstrııany azat etken basqa da qyzylarmııashylarmen birge Obervarttaǵy keńestik jaýyngerler beıitine jerlendi.