Avstrııa ókimeti «Maýthaýzen» tutqyndar lagerin qalpyna keltiredi

VENA. 7 sáýir. QazAqparat /Tımýr Bekturǵanov/ - Avstrııa ókimeti Vena qalasynda burynǵy natsıster tutqyndardy ustaǵan «Maýthaýzen» lagerin qalpyna keltirý men qaıta jóndeý týraly jospardyń tanystyrylymyn jasady,

«Maýthaýzen» lagerinde Ekinshi dúnıejúzilik soǵys kezinde shamamen 200 000 adam qaza tapqan edi.

Lınts qalasynyń mańynda Dýnaı alqabynda ornalasqan burynǵy tutqyndar lageri qazir fashızm qurbandaryn eske alýǵa arnalǵan Avstrııadaǵy eń iri murajaılardyń biri bolyp tabylady.

Qaıta qalpyna keltirý jumystarynyń alǵashqy kezeńi 1,7 mıllıon eýro qarajat talap etedi dep eseptelip otyr. Jospar boıynsha qaıta jóndeý 2013 jyldyń basynda aıaqtalýy tıis.

2011 jyldyń 9 mamyry kúni Venada Qazaqstan Respýblıkasynyń Elshiligi jáne avstrııalyq taraptyń kómegimen «Maýthaýzen» tutqyndar lageriniń aýmaǵynda Batys Eýropada alǵash ret Uly Otan soǵysy jyldarynda Eýropa jerinde maıdanǵa qatysqan qazaq jaýyngerlerin eske alý memorıaly ornatylǵan bolatyn.