Avstrııa kantsleri «Azbýka jılıanyń» burynǵy basshysyn qaıtarýǵa qatysty xatqa jaýap berdi

ASTANA. QazAqparat - Búgin elordada ótken baspasóz máslıxatynda Qazaqstan úleskerleri qaýymdastyǵynyń basqarma múshesi Janqozy Bákibaev "Azbýka jılıa" qurylys kompanııasynyń burynǵy basshysy, eks-depýtat Erqanat Taıjanovty elge qaıtarýǵa qatysty xattyń Avstrııanyń elshisine ǵana emes, sol eldiń kantslerine de joldanǵanyn jetkizdi, dep xabarlaıdy QazAqparat tilshisi.

"Biz, úleskerler de qol qýsyryp otyrǵan joqpyz. Biz Qazaqstandaǵy Avstrııa elshisimen kezdestik. Oǵan qazirgi problemanyń mán-jaıyn jetkizdik. Tipti, Avstrııanyń kantslerine deıin xat jazdyq. Ol xattyń jaýabyn da aldyq. Elshi de, kantsler de óz jaýaptaryn berdi. Taıjanovty Qazaqstanǵa qaıtara almaımyz deıdi. Sonda qalaı? Ol adam xalyqty taqyrǵa otyrǵyzyp, shetelge taıyp ketip otyr. Al Avstrııa bıligi uryny qaıtarmaımyz dep jatyr", - dedi Bákibaev búgingi brıfıngte.

Onyń aıtýynsha, endigi kezekte úleskerler Avstrııa úkimetine taǵy da óz úndeýlerin joldap, Taıjanovty qaıtarýda eshqandaı saıası astardyń joqtyǵyn barynsha jetkizýge tyrysady.

Aıta keteıik, "Azbýka jılıa" kompanııalar toby 8 turǵyn-úıdiń qurylysyn aıaqtaǵan joq. Іshki ister mınıstrliginiń málimetine sáıkes, kompanııa basshysy Erqanat Taıjanov shetelge qashyp, ózimen birge úleskerlerdiń 40 mıllıard teńgeden astam aqshasyn úptep ketken.