A.Vınokýrov Parıj Olımpıadasy týraly: «Bastysy – qatysý» degen bizdiń uran emes

<p>ASTANA. KAZINFORM &ndash; Áıgili veloshabandoz, 2012 jylǵy London Olımpıadasynyń jeńimpazy, &laquo;Astana&raquo; velokomandasynyń bas menedjeri Aleksandr Vınokýrov qazaqstandyq velosıpedshilerdiń Parıj Olımpıadasynan medal alý múmkindigi týraly pikir bildirdi.</p>

Syrtqy ister mınıstrliginde ótken «Qazaqstannyń Іzgi nıet elshileri» jobasynyń tusaýkeserinen keıin Kazinform tilshisi A.Vınokýrovtan aldaǵy Parıj Olımpıadasynda otandastarynyń ishinde kimnen medal kútetinin surady.

«Bizdiń veloshabandozdar byltyr úsh lıtsenzııa jeńip alǵan bolatyn. Tasjoldaǵy velojarys 27 shilde men 3 tamyzda bolady. Bizdiń salada bir medal utyp alsaq, keremet bolar edi. Meniń jetistigimdi qaıtalaı alsaq, tipten jaqsy. Medalden úmit bar. Biraq bal ashyp, boljam jasaǵym kelmeıdi. Óıtkeni bári bir qaýipti sport túri ǵoı. Lýtsenko men Fedorov Týr de Frans arqyly daıyndalyp jatyr. Medalden úmittenbeı jarysqa shyǵýǵa bolmaıdy. «Bastysy -qatysý» degen bizdiń uran emes», - dedi Aleksandr Vınokýrov.