Avıareısterdiń keshigýi: Mınıstr máseleni sheshý joldaryn atady

ASTANA. QazAqparat – QR Indýstrııa jáne ınfraqurylymdyq damý mınıstri Qaıyrbek Óskenbaev áýe reısteriniń keshigý, keıinge shegerilý máselesin sheshý joldaryn atady, dep habarlaıdy QazAqparat tilshisi.

«Senat qabyrǵasynda kólik týraly zań jobasyn talqyladyq. Kompanııalarǵa qoıylatyn talaptardy taǵy qatańdatamyz. Soǵan qaramastan jaǵdaılar oryn alyp jatyr. Esterińizde bolsa, jazda SCAT jáne Air Astana avıakompanııalary reısteriniń keshigý jaǵdaıy boldy. Biz olarǵa apta saıyn aıyppul saldyq. Jaǵdaı rettelgen sekildi. Jalpy máseleni sheshýdiń eki joly bar. Aldymen, ákimshilik jaǵy, ıaǵnı áýe kompanııalarynyń jaýapkershiligin retteý arqyly. Olar kez kelgen fors-majorǵa daıyn bolýy tıis. Ekinshi sheshim, ushaqtar sanyn arttyrý. Bıyl 14 ushaq satyp alyndy, onyń 9-y SCAT-qa tıesili», - dedi Qaıyrbek Óskenbaev Senattyń jalpy otyrysynan keıin tilshilerdiń suraǵyna jaýap bere turyp.

Mınıstrdiń málimetinshe, 2025 jylǵa deıin taǵy 51 ushaq satyp alynady.

Buǵan deıin Qaıyrbek Óskenbaev Taılandqa usha almaı qalǵan qazaqstandyqtardyń jaǵdaıyna qatysty túsinik bergen edi. Onyń aıtýynsha, jolaýshylardyń máselesin Azamattyq avıatsııa komıteti qarap jatyr.