Avıakerosın, dızel jáne munaı bıtýmyn eksporttaýǵa tyıym salyndy

ASTANA. QazAqparat – Eýrazııalyq ekonomıkalyq odaqtyń kedendik aýmaǵynan tys jerlerge Qazaqstannan munaıdyń jekelegen túrlerin eksporttaýǵa tyıym salý týraly Energetıka mınıstriniń buıryǵy kúshine endi, dep habarlaıdy QazAqparat tilshisi.

«Osy buıryqqa jalǵanǵan qosymshaǵa sáıkes munaı ónimderiniń jekelegen túrlerin Eýrazııalyq ekonomıkalyq odaqtyń kedendik aýmaǵynyń sheginen tys jerlerge Qazaqstan Respýblıkasynyń aýmaǵynan áketýge 2024 jylǵy 31 jeltoqsanǵa deıingi merzimge tyıym salý engizilsin. Osy buıryqtyń oryndalýyn baqylaý jetekshilik etetin Qazaqstan Respýblıkasynyń energetıka vıtse-mınıstrine júktelsin», - delingen kúshine engen buıryqta.

Endi Qazaqstannan EAEO-dan tys jerlerge myna munaı ónimderin eksporttaýǵa tyıym salyndy:

- jeńil dıstıllıattar;

- avıakerosınder jáne dızel otyny;

- gazoıldar;

- tolýol, ksıloldar;

- munaı bıtýmy.

Bul shekteý Qazaqstannyń ishki naraǵyndaǵy munaı ónimderi tapshylyǵynyń aldyn alý maqsatynda engizilgen.

Eske sala keteıik, taıaýda mınıstrlik bıyl Qazaqstanda 850 myń tonna dızel otynynyń tapshylyǵy bolýy múmkin ekenin málimdep edi.