Avıatsııa ákimshiligi 8 kompanııanyń qyzmetin toqtatqan

NUR-SULTAN. QazAqparat – Indýstrııa jáne ınfraqurylymdyq damý mınıstri Beıbit Atamqulov eldegi áýe kompanııalary men olardyń ıeligindegi ushaqtardyń sany týraly málimet berdi, dep habarlaıdy QazAqparat.

Mınıstr halyq aldyndaǵy eseptik kezdesýinde áýe kóligindegi baqylaý men qadaǵalaý áli de jetildiriletinin atady.

«Búginde Qazaqstanda 55 áýe kompanııasy jumys isteıdi. Onyń ishinde Eır Astana, Fly Arystan, Skat, Qazaq Air, «ıÝjnoe nebo», «Jetisý Avıa», «Jezqazǵan Eır» sııaqty 7 kompanııa 75 zamanaýı avıalaınermen turaqty tasymaldar oryndaıdy. Uzaq merzimdi perspektıvada bizdiń bul kompanııalar 2031 jylǵa deıin 39 qazirgi zamanǵy áýe kemesin satyp alýdy josparlap otyr», - dedi Beıbit Atamqulov.

Vedomstvo basshysy azamattyq avıatsııany baqylaý jáne qadaǵalaý baǵytynda eýropalyq tásil engizilgenin aıtty.

«Túrli pikirtalastar men syndarǵa qaramastan, Qazaqstannyń avıatsııa ákimshiligi óz jumysyn atqaryp, óziniń ómirsheńdigin dáleldedi. Onyń basshylyǵyna táýelsiz ári obektıvti baqylaýdy qamtamasyz etetin tájirıbeli sheteldik maman tartyldy. Avıakásiporyndardy ınspektsııalyq tekserý qorytyndysy boıynsha Bek Air, Sigma Airlines, Jet Airlines, JENIS AIR, Phoenix, Qazaq Helicopters, AZEE AIR, MS air KZ sııaqty 8 avıakompanııanyń qyzmeti toqtatyldy», - dedi mınıstr.