«Avatar» jáne «Tıtanık» fılmderiniń prodıýseri qaıtys boldy

<p>ASTANA. KAZINFORM &ndash; &laquo;Avatar&raquo; jáne &laquo;Tıtanık&raquo; fılmderindegi jumysy arqyly tanymal amerıkalyq prodıýser Djon Landaý 63 jasynda kóz jumdy. Bul týraly&nbsp;<a href="https://eadaily.com/ru/news/2024/07/07/umer-prodyuser-avatara-i-titanika" target="_blank" rel="noopener">EADaily</a> jazdy.&nbsp;</p>

«Ákem Landaý 5 shildede Los-Andjeleste qaıtys boldy», - dep habarlady prodıýserdiń uly The Hollywood Reporter basylymyna bergen suhbatynda. 

Alaıda ol ákesiniń neden dúnıe salǵanyn ashyp aıtpady.

Variety saıtynyń habarlaýynsha, amerıkalyq prodıýserdiń qaterli isik aýrýynan kóz jumǵan.

Djon Landaý 1960 jyly 23 shildede Nıý-Iorkte dúnıege kelgen. Ol óziniń eńbek jolyn 1980 jyldary kıno óndirisiniń menedjeri retinde bastady. Sodan keıin ol «Bal, men balalardy qysqarttym» (1989) jáne Dık Treısı (1990) fılmderiniń birlesken prodıýseri atandy. 

Keıinnen Landaý Djeıms Kemeronmen jumys isteı bastady jáne Tıtanıktegi jumysqa (1997) qosylyp, osy fılmniń prodıýseri boldy.

Fılm tarıhta birinshi bolyp dúnıejúzilik kassada 1 mıllıard dollardan astam tabys tapty jáne 11 Oskar syılyǵyna ıe boldy. Landaýdyń ózi bul syılyqty Tıtanıktegi jumysy úshin aldy, sonymen qatar ol «Altyn globýs» laýreaty atandy.