Aýyz sýmen qamtamasyz etý ınteraktıvti kartasyna jańa fýnktsııalar engizildi

NUR-SULTAN. QazAqparat - Indýstrııa jáne ınfraqurylymdyq damý mınıstrligi aýyz sýmen qamtamasyz etý jónindegi ınteraktıvti kartaǵa ózgerister engizdi. Atap aıtqanda, kartaǵa azamattardyń ótinishterin qabyldaý men óńdeýdiń biryńǵaı platformasy (E-ótinish) arqyly halyqpen keri baılanys ornatýǵa arnalǵan jańa fýnktsııalar qosyldy, dep habarlaıdy QazAqparat.

Esterińizge sala keteıik, aýyldardy sýmen qamtamasyz etý deńgeıin monıtorıngileý úshin Mınıstrlikpen turǵyndarǵa qoljetimdi ınteraktıvti karta ázirlengen bolatyn.

Kartanyń kómegimen árbir azamat ózin qyzyqtyratyn kez-kelgen aqparatty kóre alady.

Máselen, óńirdiń sýmen qamtamasyz etilýi, qarjylandyrý, qarajatqa degen qajettilik, halyq sany týraly jáne basqa da málimetter júktelgen.

Jalpy aýyz sýmen qamtamasyz etý boıynsha Almaty (99,1%), Atyraý (99%) jáne Qyzylorda oblystary (97,8%) kósh basynda tur.

Degenmen, birqatar óńirde artta qalý ar.

Aýyz sýmen qamtýdyń eń tómengi deńgeıi Qostanaı (74,9%) jáne Soltústik Qazaqstan oblystarynda (83,5%) baıqalady.

2021 jyldyń qorytyndysy boıynsha aýyl halqy arasynda sýmen jabdyqtaý qyzmetterine degen qoljetimdilik 93%-dy quraıdy.