Aýyz sý sapasyn baqylaıtyn ınteraktıvti kartaǵa qandaı ózgerister endi

NUR-SULTAN. QazAqparat – QR Indýstrııa jáne ınfraqurylymdyq damý mınıstri Beıbit Atamqulov aýyz sý sapasyn baqylaıtyn ınteraktıvti kartadaǵy ózgerister týraly aıtyp berdi, dep habarlaıdy QazAqparat tilshisi.

«Biz aýyldardyń sýmen jabdyqtalýyna monıtorıng júrgizý úshin Interaktıvti karta ázirledik. Kartada ár aýyl boıynsha qajetti aqparat bar. Atap aıtqanda, sýmen jabdyqtaý, qarjylandyrý, qarajatqa suranys, halyq sany, jelilerdiń uzyndyǵy, tozý jáne taǵy basqa qajetti málimetter bar. Karta ınternette ashyq ornalasqan. ıAǵnı kez kelgen azamat ol kartadan ózin qyzyqtyratyn aýyldy kóre alady», - dedi Beıbit Atamqulov Úkimettiń búgingi otyrysynda.

Mınıstrdiń aıtýynsha, Interaktıvti karta jańartylyp jatyr. Onda halyqpen keri baılanys ornatý úshin sý berý turaqtylyǵy jáne kórsetiletin qyzmetterdiń sapasy týraly aqparat qosý sharalary qabyldanyp jatyr.

«Halyqty sapaly aýyzsýmen qamtamasyz etý turaqty baqylaýda ekenin eskere otyryp, Ákimdikter ınteraktıvti kartaǵa derekterdiń sapaly jáne ýaqtyly toltyrylýyn qamtamasyz etýi qajet», - dedi B. Atamqulov.

Buǵan deıin B. Atamqulov sýmen qamtamasyz etý deńgeıin artyrý úshin kórsetkishteri tómen óńirlerge basym negizde qarajat bólinetinin aıtty.

Qazirgi ýaqytta sýmen jabdyqtalmaǵan 1 922 aýyldyń máselesin sheshý úshin birqatar shara kózdelgen.

Sondaı-aq, 50 aýylda sý qubyry jelisin keńeıtý úshin bıýdjetten 40 mlrd teńge qajet.